मनहरीमा ५ मा बाघको आक्रमण: वृद्ध महिलाको मृत्यु, सात बाख्रा मारिए, बाघ आज नियन्त्र णमा
मनहरी गाउँपालिका वडा नं ५ मा बाघको आक्रमणले एक वृद्ध महिलाको ज्यान गएको छ भने सातवटा बाख्रा मारिएका छन्। घटनाले स्थानीयवासीमा त्रास उत्पन्न गराएको छ। बाघले वृद्ध महिलालाई आक्रमण गरी ज्यान लिएपछि गाउँलेहरूले सुरक्षा र निकुञ्ज व्यवस्थापनप्रति चासो व्यक्त गरेका छन्।
घटना लगत्तै, पर्सा राष्ट्रिय निकुञ्ज र चितवन राष्ट्रिय निकुञ्जको संयुक्त टोली घटनास्थलमा खटिएको थियो। टोलीले बाघलाई डार्ट गरेर नियन्त्रणमा लिएको छ। नियन्त्रणमा लिइएको बाघलाई निकुञ्जभित्रै राखिने वा अन्य उपयुक्त व्यवस्थापन गरिने निर्णय निकुञ्ज प्रशासनले गर्ने बताइएको छ।
मानव-बाघ द्वन्द्वका यस्ता घटना बढ्दै जानुले वन्यजन्तु र मानव बसोबास क्षेत्रबीचको सन्तुलन गुम्दै गएको संकेत गर्दछ। यस विषयमा स्थानीय सरकार, निकुञ्ज प्रशासन, र सरोकारवालाहरूबीच थप समन्वय र प्रभावकारी योजना आवश्यक रहेको स्थानीयहरूले बताएका छन्।
निकुञ्ज प्रशासनले घटना बारे अनुसन्धान गर्दै आगामी दिनमा यस्ता घटनाहरू न्यूनिकरण गर्न विशेष रणनीति अपनाइने जानकारी दिएको छ। साथै, पीडित परिवारलाई राहत र सहयोग प्रदान गर्न पहल थालिने आश्वासन दिइएको छ।
