इटहरी उपमहानगरपालिकाले फोहोर फाल्दा बुढीखोला थुनियो।

सुन्दर दुलारी नगरपालिका र कोशी हरैचा नगरपालिका मिलाएर सुन्दर हरैचा नगरपालिका बने पश्चात प्रकृति रूपमा र सांस्कृतिक रूपमा समेत साच्चिकै सुन्दर सुन्दर दुलारी को पहिचान मेटिनेगरी सबै बाह्रै वटा वडाको फोहोर फाल्ने स्थान फोहोर दुलारी बनाइएको र सुन्दर हरैचा बनाउन सुन्दर दुलारी लाई बली चढाउँदै फोहोर दुलारी बनाइएको सन्दर्भमा सरस्वतीनगर टोल विकास संस्थाले आज २०८२ साल जेठ ३ गते शनिबार स्वतस्फुर्त रुपमा सरसफाई कार्यक्रम आयोजना गरेको छ। कार्यक्रममा सरसफाई सम्बन्धी सचेतना मूलक सन्देशहरू को साथमा जागरण गीतहरू बजाउँदै मानिसहरू सडकमा निस्केका थिए । सबै जाति भाषा धर्म लिङ्ग र उमेर समूहका मानिसहरूको उपस्थित रहेको कार्यक्रममा सुन्दर हरैचा नगरपालिका वडा नम्बर ४ का पूर्व वडाध्यक्ष शैलेन्द्र श्रेष्ठले बाह्रैवटा वडाको फोहोर ४ नम्बर वडामा ल्याएर अव्यवस्थित तरिकाले फाल्ने र इटहरी उपमहानगरपालिकाले समेत बुढीखोलाको जग्गा अतिक्रमण गरी डम्पिङ साइड बनाएर बुढीखोलालाई साजिलाल स्कुलको नम्बरी जग्गाबाट बगाएको र ४ नम्बर वडाबासी इटहरी उपमहानगरपालिका र सुन्दररैचा नगरपालिका दुवैबाट प्रताढित हुँदै आएको भन्दै आक्रोश व्यक्त गर्नुभयो। सुन्दर हरैचा नगरपालिका वडा नम्बर ४ का वडा सदस्य गणेशप्रसाद गुरागाईंले आफ्नो ठाउँको सरसफाईको लागि स्थानीय बासिन्दा आफै जागेको हुनुपर्ने र हामीले परम्परादेखि गर्दै आएका सरसफाईसँग सम्बन्धित कामहरू समुदाय स्तरबाटै गरी आम जनताले तिरेको करबाट बन्ने बजेटलाई समुदायबाट सम्भव नहुने काममा सदुपयोग गर्नुपर्नेमा जोड दिनुभयो