बेलौरी:नेकपा एमाले बाट निर्वाचित कञ्चनपुरको बेलौरी नगरपालिका(६ का वडा अध्यक्ष भोजराज चौधरी अनुमति विना रुख कटान गरेको आरोपमा पक्राउ परेका छन् ।
बेलौरीस्थित छोटी भन्सार परिसरमा रहेका रुखहरु गैरकानुनी तरिकाबाट काटिएपछि वडा अध्यक्ष चौधरीलाई पक्राउ गरिएको डिभिजन वन कार्यालय कंचनपुरका कर्मचारी शम्भु कोइरालाले बताए ।
उनले भन्सारका रूखहरु अबैध रुपमा काटेको वन कार्यालयले जनाएको छ । ‘काठ तस्करी भइरहेको उजुरी सूचनाका आधारमा हामीले निगरानी बढाएका थियौँ ।त्यही आधारमा अध्यक्षलाई पक्राउ परेका हौं ।’
अध्यक्षलाई थप अनुसन्धानका लागि वन कार्यालयको हिरासतमा राखिएको उनले बताए ।
उनी गत ०७९ बैशाख ३० मा स्थानीय तह निर्वाचनमा एमाले पार्टी बाट वडा अध्यक्ष निर्वाचित भएका हुन् ।
सत्य, निष्पक्ष र विश्वसनीय पत्रकारितालाई निरन्तरता दिन तपाईंको स्वेच्छिक सहयोग अमूल्य हुनेछ।
नोट:- भुक्तानी गर्दा कुनै थप शुल्क लाग्दैन।
